Plantun de Prouvènço

Pèr coumpara dos planto d'encò nostre

Petrorhagia saxifraga & Leptodon smithii

Petrorhagia saxifraga

Caryophyllaceae

Noms en français : Oeillet saxifrage, Tunique saxifrage.

Descripcioun :
Lou trauco-pèiro trachis dins li tepiero seco e li roucas de colo e de basso mountagno. Es uno meno de pichoto girouflado en mato que fai de flour pas bèn grosso, roso o blanco veinado de pourpre. Li flour soun souleto au bout di cambo emé à la baso 4 bratèio que fan un calicule.

Usanço :
La poudès metre dins voste jardin qu'a besoun de pas grand causo pèr trachi.

Port : Pichoto planto lignouso
Taio : Pancaro entresigna
Fueio : óupousado
Tipe bioulougico : Pancaro entresigna
Cicle bioulougico : Pancaro entresigna

Gènre : Petrorhagia
Famiho : Caryophyllaceae

Coulour de la flour : Roso
Petalo : 5
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Tepiero seco - Colo - Basso mountagno - Roucas
Estànci : Pancaro entresigna
Couroulougi : Pancaro entresigna
Ref. sc. : Petrorhagia saxifraga (L.) Link, 1829 (= Tunica saxifraga (L.) Scop (L.) Scop, 1771 )

Crosso-de-Smith

Leptodon smithii

Neckeraceae

Nom en français : Leptodon de Smith.

Descripcioun :
Aquelo mousso pluroucarpo trachis majamen sus li pège d'éuse e de roure. Douno de mato plato pu o mens grando, li tijo soun un à dous cop penado. Bagnado fai de tijo plato alor que seco douno de crosso que sèmblon pièi de cascavèu. La fueio èi redouno-óublougo emé de bord lisc. La costo fai aperaqui li tres part dous de la longour de la fueio.

Usanço :
I'a pas trop pèr s'engana emé la crosso-de-Smith que se recounèis pulèu bèn. Es uno meno proun coumuno au nostre e dins lou relarg mediterran. Au contre devèn raro à l'uba, pèr acò èi marcado sus listo roujo categourìo LC valènt à dire soucit minour.